Éagsúlacht Bhaictéarach
Cuirimis aithne ar bhaictéir!
Orgánaigh phrócarótacha is ea baictéir; is iomaí cruth a bhíonn orthu agus is iomaí méid a bhíonn iontu.
Cuid acu, is cosúil le wotsits iad; cuid eile, bíonn cruth liathróide orthu; cuid eile fós, bíonn siad lúbarnach liobarnach ar nós péist talún. Is féidir baictéir a bheith ag póirseáil thart ina n-aonar, nó is féidir roinnt acu a bheith bailithe le chéile ina slabhra nó ina gcnuasach baictéar.
Is minic a thugtar ‘bachaillín’ ar bhaictéar a bhfuil cruth slaite air, nó ‘bachaillíní’ san uimhir iolra. ‘Cocas’ a thugtar ar bhaictéar a bhfuil cruth cruinn air, agus ‘cocais’ san uimhir iolra, ar ndóigh.
Féach thíos ar chuid de na cruthanna is coitianta dá mbíonn ar bhaictéir. Cliceáil ar na pictiúir chun a fháil amach cad iad na baictéir a mbíonn na cruthanna seo orthu.
An gcuireann cruthanna na mbaictéar rudaí eile sa saol i gcuimhne duit - gnáthrudaí a fheiceann tú gach lá, cuir i gcás?
Cliceáil anseo chun ár 'Scéal Superbugs le haghaidh Páistí' a íoslódáil i bhfoirm PDF.
Bachaillín (slat)
Dipleabhachaillín
Slabhra bachaillíní
Bachaillín pailise
Cocas (aonair)
Dipleachocas
Teitread (4 chocas)
Cnuasach cocas
Slabhra cocas
Slat cuartha
Spirilleam
Spireacaet
Gníomhartha Ranga/Baile
Faigh roinnt balún duit féin agus féach an féidir leat cruthanna baictéar a chur orthu!
Ansin, cuir aghaidheanna greannmhara orthu le marcóir.
É sin nó ábhair ealaíne eile a tharraingt chugat — marla, mar shampla. Nó brioscaí a dhéanamh san oigheann, agus cruthanna baictéar orthu.
Taispeáin do chuid iarrachtaí is fearr agus seol chugainn iad!
Nuair a bheidh deireadh déanta agat, cuir chugainn pictiúir de na rudaí a rinne tú!
➡️ Baictéir ar an Taobh Istigh
Seans nach bhfuil aon róchuma orthu ar an taobh amuigh, ach ar an taobh istigh is cosúil le monarchana na baictéir - monarchana ina bhfuil cuid mhaith meaisíní difriúla, iad go léir ag obair i bpáirt le chéile!