"A Mham, tá ocras orm." — “ Téigh agus nigh do lámha ar dtús! ”

Nach minic a chloisimid é sin? Cén fáth a mbíonn ár dtuismitheoirí de shíor a rá linn ár lámha a ní? Seo thíos na cúiseanna lena bhfuil sé chomh tábhachtach.

Is é is sláinteachas ann ná rudaí beaga a dhéanamh chun tú a choinneáil i do shláinte agus chun nach scaipfear tinneas ná breoiteacht. Ar na rudaí beaga sin tá: do lámha a ní, cith nó folcadh a bheith agat go rialta, dromchlaí a choinneáil glan agus bia a láimhseáil i gceart. Is é toradh nósanna maithe sláinteachais a bheith agat ná seans níos lú go mbuailfear tinn thú agus seans níos fearr an tsláinte a bheith agat féin agus ag na daoine timpeall ort. Is é leas an phobail mhóir é gach duine a bheith ina shláinte.

Ó bhímid de shíor ag leagan ár lámh ar rudaí atá timpeall orainn a d'fhéadfadh a bheith ar snámh le miocróib, is tábhachtach ar fad é ár lámha a ní chun nach scaipfidh na miocróib sin. Is tábhachtaí fós é ár lámha a ní in áiteanna ar nós ospidéal mar cabhraíonn sé sin le galair chontúirteacha a choinneáil ó dhoras.

Ní fearr rud a dhéanfá ná féachaint ar an bhfíseán seo ina mínítear céim ar chéim an bealach is fearr chun do lámha a ní— seo an bealach a mholann an NHS féin.

Cluiche Bleachtaireachta: Ón ngrúdlann go dtí an siopa uachtar reoite, tá daoine á mbuaileadh síos tinn. Tarraing chugat cóta an ‘Oifigigh Sláinteachais Phoiblí’ agus faigh amach cad é faoin spéir is cúis leis an ráig seo!

(Coincheap agus script le Claas Kirchhelle & Samantha Vanderslott. Forbairt an chluiche le Renderheads. Dearthóir: Ben Leighton. Tuilleadh cluichí oideachais, úrscéalta grafacha, agus físeáin bheochana faoi thíofóideach agus faoin bhfiabhras eintreach le fáil ar an suíomh Typhoidland)