An méid is féidir linn a dhéanamh chun troid in aghaidh ionfhabhtuithe.

Le linn an turais taiscéalaíochta duit go dtí seo, chuir tú eolas ar mhiocróib, ar an gcaoi a scaipeann siad galair agus ar an gcaoi ar féidir leo éirí frithsheasmhach in aghaidh antaibheathach. 🦠🤒💊

Más mian linn leathadh na n-ionfhabhtuithe a thabhairt faoi smacht agus caighdeán maireachtála gach duine a fheabhsú, tá roinnt rudaí is féidir linn go léir a dhéanamh nach gcuirfeadh mórán stró orainn. Dá éasca féin iad, áfach, ba dheacair a thabhairt ar an domhan ar fad iad a dhéanamh, go háirithe i dtíortha ina bhfuil daoine ar ioncam íseal nó measartha:

• Fáil a bheith ag daoine ar uisce glan 🚰

• Sláinteachas níos fearr do dhaoine agus do bheostoc (ba, caoirigh, muca etc) 🛁

• Diagnóisiú níos fearr agus níos tapúla a dhéanamh ar ionfhabhtuithe amhrasta 🔬

• Córacha leighis spriocdhírithe, antaibheathaigh nua san áireamh 👩🏽‍🔬

• Úsáid níos fearr a bhaint as na hantaibheathaigh atá ann cheana féin 💊

• Agus, rud tábhachtach, daoine a bheith vacsaínithe in aghaidh galair inchoiscthe 💉

Chun tuiscint a fháil ar vacsaíní, ní mór dúinn eolas a chur ar an gcóras imdhíonachta agus a dhéanann sé.

Cad é an rud é imdhíoneolaíocht?

Staidéar ar an gcóras imdhíonachta, sin imdhíoneolaíocht.

Tugann an córas imdhíonachta cosaint dúinn ar ionfhabhtuithe agus tá cúpla líne chosanta aige chuige sin. Is é a chiallaíonn a bheith ‘díonach’ ar ghalar ná go bhfuil cosaint agat ar an ngalar sin — é sin tar éis duit taom de ghalar den chineál céanna a bheith curtha díot agat, nó tar éis duit vacsaín a fháil lena aghaidh.

Tá athrú as éadan tagtha ar chúrsaí leighis ón uair a bhí Edward Jenner i mbun a chuid oibre ceannródaíche san 18ú haois. Ba as an obair sin a tháinig, ar deireadh thiar, na vacsaíní atá againn inniu. Sábháladh beatha níos mó daoine de bharr na fionnachtana sin ná mar a sábháladh le haon dul chun cinn eile i gcúrsaí leighis.

A bhuí leis an imdhíoneolaíocht, bíonn feabhas ag teacht de shíor ar an tuiscint atá againn ar fhadhbanna sláinte, idir ionfhabhtú agus athlasadh, idir ailléirgí agus uath-imdhíonacht (nuair a dhéanann do chóras imdhíonachta ionsaí ar do chuid orgán féin), gan trácht ar fhadhbanna móra sláinte ar nós ailse, galair croí agus néaltraithe.

An córas imdhíonachta

Córas casta is ea an córas imdhíonachta ina bhfuil struchtúir agus próisis a tháinig chun cinn san éabhlóid chun sinn a chosaint ar ghalair, go háirithe, ar ionfhabhtuithe ba chúis le viris, baictéir agus paraisítí. 🦠🪱

I bhfeidhmiú na gcodanna móillineacha agus na gcodanna ceallacha tá scoilt iontu sa chóras imdhíonachta: (a) meicníochtaí atá san orgánach ó dhúchas (imdhíonacht dhúchasach) agus (b) freagairtí a chuirtear in oiriúint do phataiginí ar leith (imdhíonacht oiriúnaitheach).

• Cuir eolas ar an imdhíonacht dhúchasach.

• Cuir eolas ar an imdhíonacht oiriúnaitheach.

Chun tuiscint níos fearr a fháil ar an gcóras imdhíonachta, cliceáil ar an ngrianghraf thíos le haghaidh scannán iontach ar Vimeo (osclaíonn i bhfuinneog nua).